Bindivikuskifti á Viðareiði
Frá 25. - 28. september 2010 var eg langt vikuskifti á Hotel Norð, hvar vit bundu við maskin. Eg hevði í mars í ár keypt mær ein Brother grovbindara, men hevði einki bundi við honum, so tað kom væl við, at fáa møguleika at binda nakrar dagar, saman við damum, sum høvdu bundi meir ella minni gjøgnum fleiri ár. Tað gekk eitt sindur strilti at fáa gongd á, og eg vildi ikki órógva hinar damurnar alt ov illa, ti tað var ikki beinleiðis frálæra, men meira at nakrar damur hittust at hugna sær við maskinbinding, og geva hvørjari aðrari nøkur "fiff". Har var tó onkur sum sá, at eg stríddist og strevaðist, og kom og hjálpti mær óført, so tá leygardagurin kom, kom rættuliga ferð á bindingina, og eg fekk roynt ein hóp av møguleikunum sum maskinan hevði.
Vit gistu á Hotellinum og fingu mat, og tað var ikki eiti á matur, leygarkvøldi endaði við eini 3 rættirs menu, men eg var so upptikin av høvuðsrættinum, at eg gloymdi at taka mynd av honum 🤨 ,men annars so eru her ymiskar myndir bæði av binding og mati 🤩